Сүзлек серләрне ача (6+)

17 ноябрь көнне 10 нчы санлы китапханә мәктәп укучыларын ел саен 22 ноябрьдә билгеләп үтелүче Сүзлекләр һәм Энциклопедияләр бәйрәменә багышланган китапханә дәресенә чакырды. 
Ни өчен нәкъ менә шул көн? Бу көн очраклы гына сайланмаган. 22 ноябрь – ул бөек рус сүзлекчесе Владимир Иванович Дальның туган көне.
Кеше хәтерендә барысын да саклый алмый: үткән һәм бүгенге вакыйгалары, даталар, саннар, атамалар, исемнәр. Сорауга җавап яки нинди дә булса белешмә кирәк булса, белешмә әдәбият ярдәмгә килә. 

Балалар сүзлек һәм энциклопедия төшенчәләре белән танышты, аларның бер-берсеннән аермалы якларын, нинди сүзлекләр булуын, белешмә әдәбият белән ничек дөрес эшләргә кирәклеген белде. Белешмә әдәбиятның күптөрле дөньясына багышланган чарада укучылар китапханәдә булган бик күп сүзлекләр: орфографик, этимологик, аңлатмалы, чит телләр, фразеологик һ.б. лар белән танышты.

Балалар чарада барысын да игътибар белән тыңлады, викторина сорауларына җавап биреп, алган белемнәрен ныгытты.